CHRONICLE

AmaWarriors azama inhlanhla ku-Equatorial Guinea

Nkosilathi Sibanda

IQEMBU lelizwe kunguqu, amaWarriors, lizabuyela enkundleni yeNational Sports Stadium ngoMvulo emini lifuna ukunqoba kumdlalo oqakathekileyo lapho lizadibana le-Equatorial Guinea kumkhankaso wokudinga indawo yokuyadlala kumncintiswano we-Africa Cup of Nations (AFCON) ka-2027.

 

IZimbabwe izangena kumdlalo lo, ifuna ukusebenzisa ithuba lokudlalela ekhaya ngemva kokuthi amaqembu womabili edlale ngokulingana (0-0) eYaoundé, eCameroon ngoLwesine ebusuku.

Amaqembu la, alemiklomelo elinganayo nanko elemine emidlalweni emithathu ayidlale kuGroup E, kodwa iZimbabwe ikundawo yesibili ngenxa yokwehlukaniswa kwawo ngemiklomelo yama-goal difference.

IDemocratic Republic of Congo (DRC) yiyo ekhokhela iqembu leli ngemiklomelo eyisithupha, ngemva kokunqoba yonke imidlalo yayo emithathu yakuqala.

 

Umqeqetshi wamaWarriors, uRamón Catalá, ukhangelele ukuthi abadlali bakhe bazatshengisa inguquko ekudlaleni kwabo, ikakhulu ekuhlaseleni.

Ekhuluma ngaphambi komdlalo wangoMvulo, uCatalá uthe iqembu kumele likhuphule indlela elidlala ngayo.

“Akuthandabuzwa ukuthi kumele sitshintshe indlela esidlala ngayo kumdlalo olandelayo,” kutsho uCatalá.

Iqula labadlali beZimbabwe:

Nelson Chadya (GK), Emmanuel Jalai, Jordan Zemura, Corbin Mthunzi, Kelvin Moyo, Marvelous Nakamba (C), Marshall Munetsi, Tawanda Chirewa, Bill Antonio, Tinotenda Kadewere, Thando Ngwenya.

Abasebhentshini: Andy Rinomhota, Tinotenda Muringai, Shane Maroodza, Peter Muduhwa, Abubakar Moffat, Sean Fusire, Mthokozisi Msebe, Mongameli Tshuma, Tawanda Maswanhise, Daniel Msendami, Aaron Ngwenya, Martin Mapisa, Future Sibanda.