Online Reporter
Lovemore Dube
IMIDLALO yenkezo yeMunumutapa Challenge iqala ngoLwesihlanu lapho okukhangelelwe ukuthi eminye impumela yemidlalo itshiye bemangele.
Inkezo le ngenkulu kulazo zonke kuleli njalo idlalelwa ngamaqembu kusukela kuzigaba eziphansi kuze kuyefika kuPremiership.
Lokhu kuyimizamo yokuthuthukisa umdlalo wenguqu kuleli ngoba labasakhulayo, labesifazane abasemdlalweni baphatheka kuwo.
Kulimpelaviki kuncintisa amaqembu angu-32.
IDynamos ikhangelelwe ukuthi idlale leHwange eColliery ngeSonto.
IDynamos yayisiba ngeyinye yezinlutshwana ezazisenelisa ukumela indaba ekutshiseni kwelanga leHwange.
UTendai Muvuti loSherperd Gahadzikwa loDingani Maphosa yibo abakhangelelwe ukuthi bangathwalisa iDynamos amagabha avuzayo phakathi kwekundla.
UShadreck Nyawa ukaputeni weDynamos udlala kuhle kulezinsuku angabachaya phakathi laphakathi kwenkundla.
NgoMgqibelo iHighlanders izabe iseHwange lapho ezadlala khona leBlackrock.
IBlack Rock iyancengisa layo kuZifa Southern Region. IBlack Rock kuyabe kuyikuqala kwayo ukudlala leBosso. Kumdlalo ongani yiwo owome kakhulu ngempelaviki, iChicken Inn eloMichael
Charamba odlala okuhle okwamagama kulezinsuku izadibana leNgezi Platinum.
Lumdlalo ungeSonto njalo ukhangelelwe ukuthi ungahlabusa kakhulu uphe ababhadalayo ukubukela ukudla kwamehlo.
INgezi Platinum isimangaze abalandeli ngokumela indaba yayo ngemva kokwala ukubhadala isikwelede sikaBongani Mafu.
Omunye lawo ongabamnandi yiMWOS leHerentals ngoMgqibelo eNorton.
Abanqobayo kunkezo le bazamela iZimbabwe kuCAF Confederations Cup ngomnyaka ozayo.
Imidlalo yeRound of 16
NgoLwesihlanu: Aqua v Chilli FC (Luveve)
NgoMgqibelo: MWOS Under-19 v Chatidhege FC (Ngoni), Blackrock v Highlanders (Colliery), FC Odene v Scottland (Baobab), Mamene v FC Platinum (Chahwanda), Gwanda Pirates v Jordan
(Pelandaba), Bulawayo Chiefs v Agama (Luveve), MWOS v Herentals (Ngoni)
NgeSonto: Chickenn Inn v Ngezi Platinum (Luveve), Scottland Juniors v Caps United (Baobab), TelOne v Blanket Mine (Ascot),Simba Bhora v Manica Diamonds (Wadzanayi), Hwange v Dynamos
(Colliery), Kwekwe United v Hardrock (Chahwanda), Norton Big Boys v FC Hunters (Ngoni), ZPC Kariba v Triangle (Nyamhunga)
