Online Reporter
Nkosilathi Sibanda
IHIGHLANDERS isingene kusigaba sama-semi-final eChibuku Super Cup ngemva kokunqoba iMWOS nge-3-2 kuma-penalty eBarbourfields Stadium ngeSonto.
Umdlalo ubuphele kungutshiki lobhanqa 1-1 ngemva kwemizuzu engu-90, kwathi iBosso yaphumelela kumbekwa ukuze ithole indawo kuma-semi-final.
I-MWOS yiyo eqale ukuhlohla ngomzuzu wesi-28 ngebhola likaArthur Banda, iHighlanders yalinganisa esigabeni sesibili lisuka enyaweni lukaRoyn Nyamono.
IDynamos, intshantshu zanyakenye zikhutshwe yi-FC Hunters kuma-quarter-final eRufaro Stadium.
AmaGlamour Boys ehlulwe nge-4-1 kuma-penalty ngemva kokuthi umdlalo uphele kuyi-1-1.
IDynamos ithole ibhola layo lokuqala kuFrank Agyemang ngomzuzu wesi-74, kodwa iHunters yalinganisa ngebhola lika-Oden Sira, ongene evela ebhentshini, sekusele imizuzu emine ukuthi umdlalo uphele.
Kumbekwa, iHunters iguqule amane alawo ewakhahlele ngesikhathi iDynamos isehluleka ukuguqula amabili okuqala. Yaphumelela kweyesithathu, kodwa lokho akuzange kwanele ukuyigcina emncintiswaneni.
IHighlanders leHunters sezingene kuma-semi-final kanye leCAPS United, kuthi indawo yokucina izacaca ngoLwesithathu lapho iScottland ezadibana khona leHardrock.
Ama-semi-final azakuba khona mhlaka-31 Mfumfu lamhlaka 1 Lwezi, kuthi umdlalo we-final uzakuba mhlaka-28 Lwezi.
