Online Reporter
YiNtatheli kaMthunywa
KULENDODA yeZimunya eMutare okubikwa ukuthi izibulele kulandela ukwehluleka ukwamukela ukulimala eyabalakho ngemva kokuhlaselwa ngamasela yacina izibulala okutshiye izakhamizi zibambe owangaphansi.
UWashington Mashingaidze wakoSobhuku Matika, ngaphansi kwenduna uZimunya wazibulala ngokuziphosela phakathi komgodi owawusegumeni lakhe ngemva kokuba ebikele izihlobo zakhe ukuthi ngeke aphile impilo yakhe lobuhlungu atshiywa elabo ngamasela amhlaselayo.
Isikhulumi samapholisa eManicaland, u-Assistant Inspector Wiseman Chinyoka, Uqinisekise isehlakalo lesi esithi uMashingaidze watholakala emgodini mhla enyamala.
“Mhlaka 15 Nhlangula, 2026 ngezikhathi zehola lika 5 ekuseni, uMashingaidze wahlaselwa ngamadoda amahlanu angaziwayo ayephakathi kwemota esamshikashika ngesikhathi elubhekise emsebenzini wakhe eClare, koOdzi eMutare.
“Ngemva kwalokhu wayehlala ekhalakhala kumuli yakhe ngokulinyazwa akwenziwa ngamasela la esithi kenelisi ukuphila ekhangelane lokulimala kwakhe okwempilo yakhe yonke.
“Mhlaka 19 Nhlangula, 2026 ngezikhathi zehola lika 9 ekuseni, uMashingaidze wasuka endlini engatshelanga muntu. Ingazi uMashingaidze wayelengqondo yokuzibulala, imuli yakhe yakhathazeka yaqala ukumdinga ingakucabangeli eyayizadibana lakho. “Ngezikhathi zehola lika 1 emini umka Mashingaidze,u Nyaradzo Batsiri (42), wabikela ezinye izihlobo ukuthi umkakhe kabonakali kungakho ucela zizomncedisa ukumdinga.
“Isidumbu sakhe sakhitshwa emgodini ngabanye abahlala kulelikhaya, uBatsiri wabikela amapholisa ngalesi sehlakalo.
“Isidumbu sikamuyi sasiwa emotsha yesibhedlela seVictoria Chitepo Provincial Hospital ukuze siyehlolwa, ukuphenywa kwalindaba kuyaqhubeka,” kuphetha u-Asst Insp Chinyoka.
