INTOMBAZANA eleminyaka eyisithupha ubudala isesimeni esibi ngemva kokugwazwa esikolo samabanga aphansi eMhlali, ogwini olusenyakatho KwaZulu-Natal.
Ngokutsho kwenkampani i-IPSS Medical Rescue, le ntombazana ilimele kakhulu ngenxa yokugwazwa izikhathi ezinengi ngesikhathi kuhlaselwa.
Imbiko yokuqala iveza ukuthi umfana oleminyaka engu-16 ubudala, obephethe ingqamu lezinye izinto, ungene ngenkani esikolo wabe esengena ekilasini ekuseni ngoLwesibili.
Ngokutsho kukaSamantha Meyrick wakwa-IPSS Medical Rescue, umsolwa kuthiwa ungene esikolo ngemva kwesakhiwo ngaphambi kokungena ekilasini wazivalela phakathi lezingane.
“Ngesikhathi otitsha beqala ukukhahlela umnyango ukuze bawuvule, umsolwa ubambe intombazanyana wayigwaza kathathu,” kutsho uMeyrick.
Omunye utitsha ukwazile ukuvula umnyango ngenkani kodwa umsolwa waphunyuka.
Abantu abebebukele isiphithiphithi esikolo lonogada benkampani i-Alpha Security bamjahile bambamba, ngaphambi kokuba ahanjiswe emapholiseni.
UMeyrick uthe lesi sehlakalo senzakale esikolo esizimele futhi umsolwa bekungafanele abe kuleyo ndawo.
Umsolwa ubotshwe endaweni yesehlakalo.
UMeyrick uphinde wathi umsolwa uke waba lesandla kuzehlakalo ezedlule, kubandakanya lokwetheswa ukubeka ibhomu ezitolo zakule ndawo.
