Online Reporter
Lovemore Dube
INEDBANK Premier Netball League ebimiswe okwamaviki amathathu iyaphenduka kulimpelaviki ngemidlalo ezaqhutshelwa enkundleni ezintathu.
Inhlanganiso yeZimbabwe Netball Association ithe kumpelaviki inkundla zizakuba lamaqembu ayisithupha adlalayo.
Edolobheni leHarare uzabe kuleChapungu Bubble ezadlalelwa eManyame leHarare District Bubble eJosiah Magama Tongogara kuthi eNkabazwe yelizwe imidlalo izabe iseMidlands State University.
Enkundleni yeManyame kuzancintiswa iZimsmart Nyanga Tars, Chapungu Queens, Mutare City, Aspindale, Dolphins leMbizo Queens. Iqembu leChapungu yilo elizabe iphethe imidlalo le.
Kumidlalo ezaphathwa yiTongogara kuzadlala iZDF Queens, Beitbridge Border Stars, Buffaloes, BBS College leBlack Rhinos. Amanye azadlalela eHarare yiMutoko Correctional Stars, Harare City, P Stars leZhombe Chibs.
Kumidlalo le kubikwa abasakhulayo bazaphatheka kumkhankaso wokulwisana lokusetshenziswa kwezidakwamizwa.
Isikhulumi seligi u-Innocent Ndiye uthe amaqembu athole ikhefu elibalulekileyo okwamaviki amabili ngakho bakhangelele ukubukela imidlalo ezahlabusa.
“Amaqembu ethu ebekukhefu. Abadlali bathole isikhathi sokutshaywa ngumoya. Silethemba bazaphenduka basitshengise umdlalo umuhle,” kutsho uNdiye.
IZimbabwe Defence Forces yiyo ekhokhelayo ilemiklomelo engu-32 kumidlalo engu-17, ilandelwa yiChapungu Queens elemiklomelo efanayo kumidlalo elinganayo leMakate Queens elabadlali abasuka eZambia.
