Online Reporter
Nkosilathi Sibanda
IZIKOLO eziyisitshiyagalolunye ezivela kuzigaba ezitshiyeneyo zeMatabeleland North zizadibana enkundleni yeHwange Colliery kulimpelaviki, lapho okuzabe kuncintisana amaqembu ebhola labafana abangaphansi kweminyaka engu-20 kuChipangano Schools Challenge Trophy.
Umqhudelwano lo, ozadlalwa mhlaka 3 lo 4 Mfumfu 2026, uhlose ukunika abadlali abasakhulayo ithuba lokutshengisa amathalenta abo.
Izikolo ezizancintisa yi-Somvubu High (Bubi), Grace Mission (Hwange), David Livingstone (Umguza), Gloag High (Nkayi), Fatima High (Lupane), Tyinga High (Binga), Tsholotsho High (Tsholotsho), Hwange Secondary (Hwange) leNesigwe Secondary (Nkayi).
Umqhudelwano lo yi-Hwange Colliery Company Limited (HCCL) njalo uzanika abafana abasakhulayo ithuba lokuncintisana labanye abadlali abavela kwezinye izigaba lokhu kuzabuye kuncedise ukulolonga amathalenta abo.
Enye inhloso ebalulekileyo ngalumncintiswano yikuqinisa ukuzigqaja kubafundi lokuthuthukisa ibhola emazingeni aphansi.
Kukhangelelwe ukuthi izikolo ezizabe zincintisana ziveze abadlali abalamandla okukhuphukela kwamanye amazinga ebhola, ikakhulu njengoba imiqhudelwano yezikolo isingeyinye yenkundla ezisetshenziswa ekutholeni amathalenta asacathula.
Abalandeli bebhola edolobheni leHwange lakwezinye indawo eziseduzane bazathola ithuba lokuzibonela mathupha amathalenta asakhulayo.
