Online Reporter
Sukulwenkosi Dube-Matutu
KUBHIDLIKE izindlu zemuli ezinhlanu kunye lesikolo kulandela ukuna kwezulu ebelilomoya omkhulu edolobheni leGwanda ngoLwesithathu.
Imuli lezi zisele zingela ndawo yokuhlala nanko izulu liphakamise uphahla, lempahla esikolo seSenondo Primary School.
Uhlangothi olubona ngokuphepha komphakathi olwe-Civil Protection Unit lubike ukuba luphezulu kokuncedisa ukudinga uncedo.
Obona ngokwehliswa kwengozi emphakathi esigabeni seGwanda, uMnumzana Awakhiwe Moyo uthe sebeqoqe indawo lapho okuzahlala khona imuli ezilahlekelweyo
“Mhlaka 5 Lwezi ihofisi yethu ithole umbiko wokuthi izulu litshiye libhidlizile eGwanda Urban. Kube lokuhlolwa komonakalo okwenziwe ngamakhansila, usodolobho, lenkokheli zamakhomithi abona ngengozi ezehlela umphakathi.
“ICivil Protection Committee isebenza lehofisi kasodolobho weGwanda ithole ukuthi kulemuli ezinhlanu ezingasela ndawo yokuhlala ngoba izulu laphakamisa amazenge, lempahla kwahamba lamanzi.
Uthe ummeli weGwanda Tshitaudze ePhalamende uFisani Moyo uthengele imuli lezi ukudla wabuye wazidingela indawo yokuhlala.
UMnu Moyo uthe akulamuntu olimeleyo.
Esikolo seSenondo Primary School kubhidlike uphahla, amafasitela leminyango.
UMnu Moyo ucele ukuthi osomabhizimusi kumbe izimbamgodi ziphathise imuli ezilahlekelweyo.
Isiphetho…
Peter Tanyanyiwa