adminDesire nkololo waBhanda
YAKE yatjisusa kunoti hhanakadzi nekene yake ithama zwin’wa wuku koga yakapa tjigadzabwe tjekuti ngadzi tenhegwe kubhakhwe mbewu.Ndimi ndake ndabe kondogwana latji pofunuka munzi nkulu wakaHhinyanda ndizo kuku bakabona kuli hine banditume kaBulawayo ndino tenga mbewu.
Ndaka tanha dzakaNtuthu yezo doropo ndakaliziba batategulu betjimpenyu. Take titengesa mahehha, whakwa ne samalala.
Ndakanojita kutjatonhola, heeee hango itjigegwe mani. Nditjaka dziyilila hhuba ndilintome kwetolo tje mbewu kwaka swika umwe nsikana ekama ntome kwangu. Ayi bva hhapa, kwake kusinaka whokuya kwake kuzan’wa ne Nkalanga waka Tsukuru. Wake alimbuyananisa.
Eke ganda jena . . .nlomo ungawa ntiyintiyi, meho alimatjena ndakagwiloti pamwe ludzi gunopfula kwazo (China).
Ndakamidza mate kusingapele ndipamha ndiwuntjebuka ndikwibila. Titjipapo kwakaswika umwe nhutana etengesa zwitiropo . . . wake ali Nkalanga wakayingidza nebutjenjebvu. “Bana bangu ndo tengesa zwitiropo . . .
Tiropo tjesunga n’ombe kene kakambe, tjekakata maswazwi nelobesa nkadzi.” Ndakaseka agwilo vunika mbabvu kati ngono ntome kwangu mhandala yelila mihodzi nentha yeseka. Balumeeeeeeee mhandala yaka seka netjiKalanga iti (yehha) kwakabva kwabe patjena kuti ndandimidzila mate Nkalanga.
Ndaka loba mhande ndituna na Mantombazana kuku bangu. Mhandala yakahanha ikahhala bhatji iwana kuti yahangana neNkalanga.
Whoyo nlandu ungina kana dzoteyewa newhonyana, ndakabva ndakakatila mhandala kutolo tjemadlo ndisakumbigwa, eeeeh kana ndebo dzedu dzakawungila panhu pan’ompela kwekuti buso gwe mhandala gwake gwatjikwagwa “nhu wangu”.
Takatshamba mali yembewu kusina nenlandu wose . . . tjamumoyo ndozwibhuzwa kuti whusahhala kwangu kene?
Mali yembewu ngayidliwe zwayo kana mhandala yake ili nyenganyenga inowuluka pamhili yegungwa ngono ndake ndowotini ludo gwatjindi phasula zwingapeya? Ndati ndimuzuwile baKalanga.
Kalanga Language and Cultural Development Association [email protected]
Online Reporter