Online Reporter
KUFE abantu abangu-40 kwalimala abanengi kungozi yebhasi eyenzakale kumgwaqo uN1 duzane leMakhado, eLimpopo, eSouth Africa.
Ibhasi le ibisuka eGqeberha isiya eHarare, Zimbabwe.
Abakhokheli lokhu besadingisisa ngembangela yengozi le.
Umgwaqo kaN1 uhle wavalwa nxazonke.
Abatshayeli abasuka eMusina besiya eLouis Trichardt bakhuthazwa ukuthi basebenzise umgwaqo uWitvlag loWilliespoort.
Okhulumela ezokuhambisa esabelweni uMatome Taueatsoala uthe abezimo eziphuthumayo, amapholisa kanye lomphathintambo uViolet Matye balapho okwenzakale khona ingozi le.
UTaueatsoala uthe, “Siqinisekisa ukuthi kwenzakale ingozi yebhasi ku-N1 eduze le-Ingwe lodge phandle kweMakhado endleleni eya eMusina. Imininingwane yengozi izakhitshwa ngokuhamba kwesikhathi. Umgwaqo uvaliwe okwamanje, kukanti omunye umgwaqo ongasetshenziswa ngabatshayeli abasuka eMakhado besiya eMusina, yikuhamba nge-Wikhatv turn off kuthi nxa usuka eMusina usiya eMakhado sebenzisa i-Williespoort turn off.”
– eNca le SABC
