Online Reporter
YiNtatheli kaMthunywa
UMphathintambo wezeMali kanye lokuthuthukiswa koMnotho, uSikhwicamfundo uMthuli Ncube, kukhangelelwe ukuba abesemhlanganweni wesibili wePost-Budget Breakfast Meeting koBulawayo lamuhla.
Umhlangano oqakathekileyo wezomnotho lo, ukhangelelwe ukuba uqhubekisele phambili ingxoxo yelizwe mayelana leBhajethi yelizwe ka2026.
Umhlangano wokuqala wokuxoxisana lokhu wenziwe eHarare ngeviki edluleyo.
Umhlangano lo oqoqwe yinkampani ye-Zimpapers, ndawonye lenhlanganiso yeConfederation of Zimbabwe Industries (CZI), uhlose ukuba kuhlanganiswe amakhanda labamabhizimusi, ingcitshi kwezokuthengiselana kanye lezimali.
Abathintekayo sebeqalisile ukufika futhi kukhangelwe ukuthi bacubungule ngokupheleleyo ngeBhajethi yelizwe ka-2026 lokuhlolisisa ukuthi inhloso yayo izasekela njani ukukhula komnotho welizwe.
Isiphakamiso sebhajethi yalomnyaka esethulwe nguSikhwicamfundo uNcube emavikini adluleyo, sigxile ekutheni: “Ukuqhubekisela phambili ukukhula koMnotho kanye leNguquko Ekufezeni Umbono ka2030,” (Enhancing Drivers of Economic Growth and Transformation Towards Vision 2030.)
Abanye abazakhuluma bahlanganisa uMqondisi omkhulu we-United Refineries u-Dokotela Busisa Moyo, umkhokheli weBankers Association of Zimbabwe uDokotela Sibongile Moyo kanye lesazi sezomnotho njalo uMqondisi omkhulu weBankeasy uMnumzana James Wadi phakathi kwabanye.
