Online Reporter
BAGWETSHWE ngokuqheliswa esikolo abafundi bakamatikuletsheni bePrince Nomatiyela Secondary, eSouth Africa abasolwa ngokudla izidakamizwa.
Abafundi abangu-11 kulesi sikolo esisendaweni yeKuvukeni, koNongoma, kuthiwa batholakale bedle amakhekhe alensango (space muffins), behluleka lokufika esikolo, okuholele ekuthini ibhodi yesikolo inqume ukuthi bamiswe esikoleni.
Ngokutsho kwemithombo esondelene lalolu daba ukuthi kukhuzwa imihlola ngalesisenzo, esifaniswe lokudicilela phansi isithunzi sesikolo.
Umthombo uthe isenzo salaba bafundi sitshiye abantu abanengi bemangele, nanko phela isikolo sidume ngokupasa kwabafundi baso ku-matric.
Kuthiwa laba bafundi abebelungiselela ukubhala izivivinyo zaphakathi komnyaka, bagile lo mhlola ngaphandle kwamagceke esikolo. Kuthiwa abangu-10 bebehlulwa layikuhamba esikolo ukuyobuyekeza izifundo (revision), ngoba bexakwe yizidakamizwa, kanti oyedwa ugcine efikile, kodwa isimo sempilo yakhe singesihle njengoba ebekhipha okungapheliyo.
“Ngesikhathi kusabhekwe lo obehlanza, kutheleke abanye babazali bezobuza ngaso lesi sehlakalo esikolo. Yilapho-ke lumfundi obekhipha akhiphe khona iqiniso, wakhipha labanye abebelabo kugilwa lomhlola.
“Okusiphatha kubi yikuthi kuvele lokuthi laba bafundi kabaqali ukwenza lokhu, njengoba bakwenza kolunye uhambo lwesikolo ababelalo. Lesi senzo sabo sibulala igama elihle lalesi sikolo,” kutsho umthombo.
Okhulumela uMnyango wezeMfundo KwaZulu-Natal, uMnumzana Muzi Mahlambi, uthe ugatsha uyasisekela isenzo sesikolo sokumisa laba bafundi, ngoba kawuhambisani lezidakamizwa ezikolo. —Ilanga
