admin
UMFUNDI ofundela ukuba ngumongikazi eKwa-Thema e-Ekurhuleni uthi kawuthandi umsebenzi wakhe wokuba ngumahotsha, kodwa okwakhathesi yiyo kuphela indlela angathola ngayo imali yokuziphilisa yena lemuli yakhe.
Uthe umsebenzi lo uyamphathisa ukuthi agcine abantwabakhe abangabafana ababili kanye lokuthi abhadale imali yesikolo.
Umama wabafana abaleminyaka engu-8 le-9, uthe usebenza kusukela ngoMvulo kusiya ngoLwesihlanu ezitaladeni zeNigel, eBenoni kanye lendaweni zokuzithokozisa.
Inina leli elileminyaka engu-27 livela eShowe eKZN. Wafika eGauteng nyakenye abangane bakhe ababili bamnika indawo yokuhlala.
Uthe abangane bakhe bamtshengisa indlela abaphila ngayo futhi bamkhuthaza ukuthi abe yingxenye yabo njengoba kwakusehlula ukuthi athole umsebenzi.
Uthe: “Kwakunzima ukuthi ngihlangane lomuntu engingamaziyo ekuqaleni. Wangibhadala R50 wasengibisela esitaladeni.”
Uthe ngemva kwalokhu abangane bakhe bananzelela ukuthi wayekhathazekile bamtshela ukuthi uzakuba ngcono ngokuhamba kwesikhathi.
“Ngangiqalisa ukwenza lokhu njalo ngadliwa ngumzwangedwa. Ngabikela abangane bami ukuthi ngeke ngenelise ukuphinda ngikwenze kodwa bangitshela ukuthi ngikhethe phakathi kokuthi ngiqhubeke ngisebenza labo kumbe ngisuke endlini yabo,” kutsho inina leli.
Uthe wakhetha ukubuyela esitaladeni ngalelolanga wathola iR850.
Uthe yikho lapho aphenduka khona waqala ukuphila impilo le.
Khathesi uselamakhasimende amqhatsha ubusuku bonke bamnike imali enhle.
“Ngempelaviki ngenza imali enengi kuma-night clubs ngoba yikho lapho okulamakhasimende amanengi,” kutsho yena.
Okwakhathesi ufundela ukuba ngumongikazi e-Unisa. Uthe engavele aqeqetshe uzatshiya ukuba ngumahotsha.
Online Reporter