Siphakeme .Mnindwa
Ethel Ncube
KUSIGA esitshiye abanye abafundi besikolo seMazambara High esiseMasvingo bedidekile amakhanda, kulomfundi okuFomu 4 ogwaze wabulala omunye abafunda bonke bucwadlwana lesikolo kubangwa ukuthi ubehlukuluza umnawakhe.
Lesi isehlakalo senzakale ngoMvulo kuyonale iviki ngemva kwemini enkulu.
Kubikwa umfundi lo, uIsaac Denhere oleminyaka yokuzalwa engu-19 ufike kuAnesu Madhara oleminyaka engu-18 wamethesa umlandu wokuhlukuluza umnawakhe.
Kubikwa uDenhere wathi kabayezwana amandla phandle kwesikolo, baphuma bama nje bucwadlala baqala ukulwa. Khonokho uDenhere wakhupha ingqamu esikhwameni wamgwaza esiswini.
Amathumbu aphuma egcekeni okwenza abanye bambhanditsha ngejesi andubana badinge imota yokuthi bamgijimisele esibhedlela seZimuto kodwa ngokusweleka kwenhlanhla wafa engakafiki.
UDenhere ebona ukuthi usedale icala wacela ezinyaweni kodwa amapholisa enelisa ukumbopha ngakibo elokhu elayo ingqamu ayisebenzisayo.
Isidumbu sathwalelwa esibhedlela seMasvingo lapho esikhangelelwe ukuthi siyehlolwa imbangela yokufa.
Intatheli ixhumane lesikhulumi samapholisa eMasvingo uInspector Kudakwashe Dhewa obike ukuba indaba enjalo yenzakala.
“Sivule icala lokubulala elidalwe ngumfundi okuFomu 4. Silusizi ngokulahlekelwa ngumphefumulo kundaba ebingalungiswa kungela kulwa.
“Abantu akumelanga balwe, nxa belohlupho kumele bakhulumisane kukhunyiswane umlotha. Umsolwa ukhangelelwe ukumiswa emthethwandaba masinyane.”
derick.khumalo