UHulumende kanike amabhizimusi imali’

Nqobile Bhebhe

UHULUMENDE usecelwe ukuthi ayengeze imali yokusekela amabhizimusi amafekithali njengoba kuyiwo ahamba phambili ekuqhubeni umkhonomi welizwe.

Isicelo lesi sibekwe ngomunye wenkokheli zamabhizimusi kuleli uDokotela Busisa Moyo kumhlangano wokuhlaziya ibhajethi yelizwe eka-2026 koBulawayo ngoMvulo ekuseni.

Uthe imali esekela amabhizimusi incinyane nxa kuqathaniswa lemisebenzi okumele yenziwe elizweni.
“Nxa sikhangele ibhajethi, usekelo olukhona kumafekithali luncinyane. Alungeke luncedise kunhlelo zokulungisa impahla lokukhulisa amabhizimusi. Sikhuthaza ukuthi usekelo lwemali lwengezwe,” nguDtk uMoyo lo.

Uthe ibhajethi yomnyaka ozayo itshengisa ukuthi kube lokwehla kwebanga lokulungiswa kwempahla kuleli, okuveza ukuba kumele kube lokwengezwa izinga.
“Kubhajethi, siyabona ukuthi izinga lokukhula kwamafekithali liyehlile. Ukukhwezwa kwezinga leli kubalulekile. Ngikholwa ukuthi amafekithali kumele akhokhele kulokhu.”