Online Reporter
Nkosilathi Sibanda loLangalakhe Mabena, beseJoshua Mqabuko Nkomo International Airport
UMCULI weMaskandi oweSouth Africa uKhuzani Mpungose lomlingisi odumileyo uDawn Thandeka King bakhangelelwe ukufika koBulawayo ngoLwesihlanu emini.
Bobabili balande umkhosi yokukhumbula iNkosi uMzilikazi mhlaka 5 Mpandula.
UKhuzani ukhangelelwe ukufika eJoshua Mqabuko Nkomo International Airport ngehola letshumi lambili emini, ehamba lequla lakhe Amagida Ngoma.
Omunye usaziwayo wakweleSouth Africa, uMpilo Mbatha, owadlala indawo yeNkosi uMzilikazi emdlalweni kamabonakude, iShaka iLembe, ukhangelelwe ukufika koBulawayo ngehola lesine ntambama.
Omunye wabahleli bomkhosi lo, uDanisiwe Senda, uthe ukufika kwabaculi laba kuzalandelwa luhambo olufitshane phakathi laphakathi kwedolobho koBulawayo.
“UKhuzani loDawn Thandeka King bafika koBulawayo ngehola letshumi lambili emini, uMpilo Mbatha yena uzafika ngehola lesine ntambama. Sizahamba labo kwezinye indawo phakathi laphakathi kwedolobho ukwazisa uzulu ngokufika kwabo.”
