Online Reporter
Ethel Ncube
INGCITSHI kwezokulima sezixwayise abalimi ukuthi balime i- garlic ngoba ilenzuzo emangalisayo.
UMnumzana Mduduzi Dube ongu-agronomist kunkampani ye-AgriSeeds ukhuthaze abalimi ukuthi balime i-garlic ngoba ilenzuzo emangalisayo. Uthe i-garlic kayihluphi ukulima njalo ilinywa umnyaka wonke.
“Sikhuthaza abalimi ukuthi balime i-garlic ngoba kayihluphi ukulima njalo yenza kuhle ngesikhathi sokutshisa. Abalimi sibaxwayisa ukuthi balime i-garlic emhlabathini ongena lula amanzi phansi futhi ofakwe umquba.
“Okunye sikhuthaza abalimi ukuthi beqale belungise izivande zabo ukuze kube lombheda omuhle ozenza ukuthi i-garlic ikhule kuhle,” kutsho UMnu Dube
Uqhubeke esithi i-garlic iyimihlobo emibili egoqela i-soft-neck le hard-neck.
“I soft-neck ibalama jodo (bulbs) amakhulu njalo ngumhlobo we garlic ojayelekileyo, i hard-neck ngumhlobo okhula ubelamahlamvu abalesiqu phezulu alombala oyi-purple njalo umhlobo lo kawugcinwa isikhathi eside njenge-soft-neck,” kutsho uMnu Dube.
Uthe inhlanyelo ye-garlic ngama cloves.
“I-garlic ihlanyelwa kusetshenziswa ingxenye yama-garlic cloves njalo inhlanyelo yakhona akumelanga ihlanyelwe endaweni elomumo womkhathi owedlula i-30 degrees.
“Abalimi kumele bevule izikhala eziyi 5 kusiya ku-8cm phakathi kwezilimo le 30 kusiya ku-40cm phakathi kwemizila. Okunye njalo umlimi kumele ebone ukuthi impande zama-cloves uzikhangelisa phansi nxa ehlanyela,” kutsho uMnu Dube.
Uthe i-garlic ilemikhuhlane lezibungu ezinengi njalo ukhuthaza abalimi ukuthi bayifafaze.
“I-garlic ilezibungu ezigoqela i-cutworm, thripsle leafminer lemikhuhlane egoqela i-white root kanye le down mildew njalo sikhuthaza abalimi ukuthi beyifafaze besebenzisa i-Dithane M45 kanye le-copper oxhycloride le Makozeb,” kuphetha uMnu Dube.
