Online Reporter
AHLUKANE phakathi amakhosikazi kaMusa Mseleku woThando Nesithembu loMnakwethu ngendaba kaJonasi Gomora, okuyindawo elingiswa nguSdumo Mtshali, kuThe Polygamist kuNetflix.
Yize unkosikazi wesihlanu uSamke ecele ukungatsholutho ngalindoda esifaniswe lomyeni wakhe kodwa uMaYeni loMaCele abawuhlabanga inhlali.
UMaYeni umgxeke kakhulu uJonasi ngokuba lisoka lamanyala elihamba libhabhalala lanoma nguphi umuntu wesifazane kulumdlalo.
Unxuse abantu ababiza umyeni wakhe ngoJonasi ukuba bahlukane lalowo mkhuba. Uthe ubethi uzowuziba lumdlalo angawubukeli kodwa ukuqathaniswa kwamakhosikazi kaMseleku lezinqandamathe zikaJonasi, yikho okumgqugquzele ukuba awubukele lakhona uthe akazibukelanga zonke iziqephu ngenxa yokucikeka.
“Yinja uJonasi, kufanele ehlise umoya wakhe losisi. Okungidinayo yikuthi ngumdlalo we-TV,” kutsho uMaYeni, ongunkosikazi wesibili kaMseleku.
Loba ekhuluma kanje uMaYeni kodwa umnakwabo, uMaCele, uvele waphuma eceleni okwendlu yomxhaso. “Mina angilayo inkinga noma bangafanisa umyeni wami loJonasi.”
UMaCele uthe The Polygamist ngokuba lesifundo ebantwini besilisa labesifazane.
“Kukhona into ebisenziwa nguJonasi laphaya. Ngiyafisa ukuthi abantu besifazane asebekhulile bayinake. Amadoda awezwani lokuqophisana lomsindo. Azwana lokuthula loxolo.”
Unxuse abantu besifazane ukuthi baqaphele ukuthi uJonasi uma uke wambangela umsindo, ngitsho noma ngabe bewusulungisa ini, uvele aphume ahambe, okutsho ukuthi amakhaya enu wenzeni afudumale.”
Eqhubeka uMaCele uthe abantu besifazane abayekele ukwenza sengathi amadoda abawazi ukuthi anjani.
Uthe into ebifunwa nguJonasi luxolo lokuthula kuphela. UMaCele uthe indoda ayidondi ukukutshiya esithabathabeni somuzi osendaweni yabadla izambane likapondo iyokipita lentombi ehlala emjondolo ukuze ithole ukuthula lothando.
“Kunokulokhu ikhonkothwa ospoti. Bantu besifazane singaphenduki ospoti. Ngagcina kuthiwa ospoti ngamadoda, manje sekuyithi ospoti. Iyangena indoda, hhawu hhawu…,” kutsho uMaCele.
Abantu abanengi bakhwele badilika kuJonasi betshiya abangalazi. UJonasi utshade loJoyce (Gugu Gumede), Matipa (Kwanele Mthethwa) lo-Essie (Celeste Ntuli). —Isolezwe
