Uphezulu uScott kweze-golf

Scott Vincent finished impressive fifth at the LIV Korea Golf at the Asian Country Club in Busan yesterday.

Yintatheli kaMthunywa

UMDLALI we-golf wakuleli uScott Vincent uhlezi esiqongweni ku-Asian Tour Order of Merit (OoM) ngemva kokugqitshwa kweMandiri Indonesia Open.

UVincent uselemiklomelo engu-1 041.80, kumiqhudelwano eyisitshiya galombili. Wanqoba i-International Series eMorocco, waqeda elingene lomunye kuSmart Infinity Philippine Open, waphinda njalo ekunombolo yetshumi ku-International Series India laseKolon Korea Open.

Wenze kuhle eqeda kunombolo yetshumi lambili kuGS Caltex Maekyung Open. Imiklomelo eminengi wayithola eMorocco (787.85).

Kulogu yabadlali ku-International Series Rankings, ukunombolo yesibili (196.04). Umdlali lo waphakama ngo-2018, ephuma ku-Asian Tour Order of Merit ekunombolo yesihlanu.

Kulumqhudelwano usetshengise ukuthi ukudlala i-golf kuyisiphiwo kuye. Kuthe esedlala njenge-professional, uVincent wathola isicoco se-Asian Tour Card ngo-2016, eQualifying School.

Ngo-2022 wenza esinye isimanga, edlala kakuhle ku-International Series England. Wanqoba leGate Way To The Open Mizuno Open kuJapan Golf Tour Organisation.