Online Reporter
Lovemore Dube
UMAQHUZU weHighlanders FC uDenzil Mnkandla usekhululiwe emacaleni abewetheswa ngemva kokumiswa phambi kwekhomithi ngoLwesithathu ekuseni.
Ikhomithi eqondisa izigwegwe eqenjini ihlangane ngoLwesithathu ekuseni ukuze ixoxe ngalolu daba, obeseluhlale isikhathi lungakhengelwa.
Ekuthethweni kwecala, umtshutshisi ozimeleyo uNdabezinhle Mazibuko wazise ikhomithi, ebikhokhelwa nguVusi Vuma loSolomon Mguni, ukuthi usebenza ngemilayezo ayiphiwa liqembu.
Omele umaqhuzu, uKindman Ndlovu uqinisekise ukuthi ingqwetha leqembu uNqobile Sithole lacebisa iqembu ukuthi lesule amacala akade esetheswa uMnkandla.
USithole nguye ingqwetha leHighlanders njalo waqinisekiswa emhlanganweni omkhulu ekuqaleni komnyaka.
Kubikwa ukuthi mhlaka-31 Ncwabakazi uSithole weluleka iqembu ukuthi lesule amacala etheswa uMnkandla. UVuma ukuqinisekisile ukuthi udaba seluphelile. UMnkandla kukhangelelwe ukuthi abuyele emsebenzini.
