Online Reporter
ZIMKHALELE umelaphi wendabuko, ophinde abe ngumastanda, okuthiwa ubedlwengula, ephindelela, amantombazane amabili kusukela ngoNhlangula lonyaka eZwelisha, eVerulam eSouth Africa.
Ngokuthola kwentatheli, umsolwa (41) okuthiwa ubotshwe ngoLwesihlanu kuvela ukuthi uqale watshaywa ngumphakathi ngaphambi kokuba adluliselwe emapholiseni.
Ngokutsho kwabenkampani yabonogada iReaction Unit South Africa (Rusa), omamangala abaleminyaka engu-13 lengu-16 bebeqatshe lonina ekotishini elisegcekeni lomuzi kamsolwa.
Okhulumela iRusa, uMnumzana Prem Balram, uthe umsolwa ubotshwe ngemva komshoshaphansi abawenzile ngemva kokuthintwa ngunina wabomamangala.
“Unina wabomamangala utshayele ihofisi yethu, ecela usizo ngokubanjwa kukamsolwa osekulesikhathi ephunyuka ekubotshweni. Usilandisile ngokuthi icala lavulwa emapholiseni, lwenziwa lohlelo lokukhonjwa kukamsolwa, sekushota ukuthi abotshwe ngoba ubehlala ebaleka,” kusho uBalram.
Kuvela ukuthi bekuthi njalo uma ebona abakwaSidlodlo besondela ngakwakhe, avele abaleke, ayocastha ehlathini eliphakathi kweZwelisha leTrenance Park.
Uthe babe sebehlanganisa iqhinga lomdeni ngoMgqibelo lokuthi onogada beRusa bazobhaca eduzane, kuthi uma ebuya ehlathini, unina wabagilwa abathinte, bese beyamthelekela.
“Nebala ubuyile ekhaya umsolwa ehlathini sekuqala ukuhwalala, unina wamantombazana wabe esetshaya ucingo masinyane. Onogada beRusa base benikela khona, zamkhalela,” utsho kanje.
Elandisa uthe unina wabantwana ubatshele ukuthi umsolwa uqale ukudlwengula abantwana ngoNhlangula lonyaka.
Uthe abantwana bebengakaze bakhulume ngesehlakalo kwazise, umsolwa wayebadonse ngendlebe, wathi ozoke ayithi vu, uyovele ambulale.
“Isehlakalo savela ngemva kokuthi umfowabo ezibonele ngawakhe umsolwa edlwengula udadewabo (13) maqede wafonela unina owayesemsebenzini ngesikhathi kwenzeka isehlakalo, wambikela,” kutsho uBalram.
Uthe unina wabomamangala wabuya masinyane emsebenzini, wambuza umamangala ngakutshelwe ngumfowabo, wavele wagonyuluka ngokuthi umsolwa usemdlwengule kanengi kusukela ngoNhlangula lonyaka.
“Yilapho okwabe sekuvela khona ukuthi akusiye yedwa umgilwa oleminyaka engu-13 odlwengulwe yilo owesilisa, kodwa lodadewabo (16) laye wehlelwe yinkinga efanayo,” utsho kanje. —Ilanga
