admin
ABAZALI bakhathazekile ngenye indlu lapho abafundi asebetshona bephaquza igwayi kanye lokunatha utshwala.
Abazali bakuSection K KwaMashu enhla yedolobho leDurban babikele iDaily Sun ukuthi abantwababo basuka emakhaya ekuseni begqoke amayunifomu sabantu abaya esikolo kanti ngitsho baqonda endlini le eyitshabhini lapho abatshona khona bezinathela kukanti abanye bayabe bezincindela ucansi.
Omunye umzali obethetha kakhulu oleminyaka yokuzalwa engu-40 uveze ukuthi indodakazi yakhe eleminyaka engu-16 kayizange ilugxobe esikolo iviki yonke ephelileyo okwenza ngoLwesihlanu waya endlini le.
“Ngathi ngifika endlini le ngamangala ngibona abafundi abangu-17 bezinathela utshwala abanye bephaquza ugwayi,” kutsho umzali lo.
Uthe abantwana laba babehlezi lelinye inina.
“Ngambuza ukuthi kungani abantwabethu besendlini yakhe. Okwangicasulayo yikuthi wangiphendula esithi kazange acele abantwabethu ukuthi babuye endlini yakhe. Umama lo kumele ekele ukutshona labantwabethu endlini yakhe ngoba lokhu kuzabangela ukungazwanani.”
Umama lowo ubikele iDaily Sun ukuthi omama laba bayaphosisa.
“Abantwana laba bafika lapha bathi baxotshiwe esikolo kungakho bayesaba ukuya ngakibo. “Kangibekeli benatha utshwala kumbe bebhema, basuka lapha emini,” kutsho inina leli.
Okhulumela umnyango wezemfundo uSihle Mlotshwa uthe abazali kumele babone ukuthi abantwababo bayafika esikolo nsukuzonke. Ukhansila Mondli Zwane uthe kakezwa lutho ngodaba lolu kodwa uzalukhangela ngokuphangisa.— Ubulembu
Online Reporter