admin
ABALIMI besifazane bathole inzuzo kumbukiso owenziwa ngabe Women in Agriculture Union (WAU) mhlaka 16 Mfumfu 2020 eGlen City Campsite eHarare, owaqhutshwa ngaphansi kwendikimba ethi Hearty Harvest Market and Seed Fair. Abalimi bathola ithuba lokubukisa izilimo zabo.
Owasungula i-WAU uNkosikazi Olga Nhari uthe balesiqiniseko sokuthi umbukiso wabo uphumelele yiloba nje kusiza iZimbabwe Agricultural Show ngoba abalimi bacela ukuba lumbukiso wenziwe ukuze babukise izilimo zabo kanye lenhlanyelo bathengiselane labanye. UNkosikazi Nhari wengezelele wathi ababukisayo bebebalutshwane kanye labazobona ngoba bekumele kulandelwe umlayo wokuthi umbuthano kumele ubelabantu abalikhulu nje qha. Umbukiso lo wenzelwa eHolu.
Kolunye uhlangothi imali yokubukisa kulabo abalamakhadi ibiyi-US$5 kuthi labo abangelamakhadi lamankampani abebhadala i- US$20.
Abafisa ukuzobona okubukisiweyo ababhadali lutho kodwa kumele babhalise amabizo abo. Yonke imilayo ye- Covid-19 izalandelwa. Ukuze ubhalise ungafaka iWhatsapp kumbe ufonele uNyasha kunombolo ezithi 0775526901 kumbe uChido ku- 0782974441.
Online Reporter