admin
Wayne Ncube
ABANTU sebekhuthazwe ukuthi basebenzelane ukulwisa udlame olususelwa ebulilini ukuze loluhlupho lwenqatshelwe nanko phela ilizwe linanza umkhakhaso we-16 Days of Activism Against Gender-Based Violence oqale ekupheleni kwenyanga ephelileyo.
Ekhuluma kumhlangano obekhona ngeviki ephelileyo koBulawayo uMnumzana Ntando Mhlanga ongu-Acting Provincial Development officer kugatsha lweMinistry of Women Affairs, Community, Small and Medium Enterprises Development ukhuthaze uzulu wonke jikelele ukuthi asebenzelane kwenqatshelwe ukuhlukumezwa kwabantu ikakhulu omama.
“Udlame olususelwa ebulilini buyanda ngendlela ezwisa ubuhlungu njalo esikhathini esinengi ngomama abandise ukuzithola bencindezelwa ngenxa yokuthi abalawo amandla. Lokhu kuletha izinhlungu ezitshiyeneyo enhliziyweni, emzimbeni kanye lakumpilakahle yabo.
“Izinhlungu ezibangelwa yiGBV zifuna ukubanjiswana ngezintambo zokuthola usizo ezehlukeneyo, ngakho uHulumende useqhelise usizo lolu ngokuvula olunye ugatsha lwenhlanganiso ye-One Stop Centre koBulawayo oluzanceda ukunqoba abahlukumezekileyo ngalindela,” utsho njalo.
Abantu abahlukunyeziweyo bandise ukwesaba ukuyadinga uncedo ngoba bengasenelisi ukuthemba iloba ngubani ngenxa yalokhu abantu bakhuthazwa ukuthi baye kunhlanganiso ezifana leOne Stop Centre lapho abahlukumezekileyo abazathola ukuphepha lokuvikeleka bencediswa ngokuqhubekela phambili empilweni.
Umphakathi ukhunjuzwe ukuthi kawenqabele ukubukela abantu behlukunyezwa ngoba lokho kuyikho okwenza abanye bacine besiba legunya lokuhlupha bephakamisa isifo lesi sokuhlukumezana ngokobulili.
Online Reporter