admin
Wayne Ncube
KULAMAJAHA amabili aleminyaka engu-19 agwetshelwe ukuyapika ejele okweminyaka emibili kulandela ukutholakala elamacala okutshontsha ama- battery amabili emota abiza i$3 500.
UArnold Ndlovu loBrandon Sibanda bamiswe phambi kukamantshi uMnumzana Lizwe Jamela ngoLwesihlanu ngeviki ephelileyo besetheswa amacala okutshontsha.
Kubikwa ababili laba bangena emzini kaThulani Ncube eSunninghill koBulawayo ebusuku bafica imota yakhe imiswe egumeni batshontsha ama-battery amabili.
Esenanzelele kutshontshwe akhe uNcube wamangala emapholiseni enkambeni yeHillside. Amapholisa achwayisisa okwenza kwabotshwa uNdlovu mhlaka 8 Zibandlela 2020 yena owachaza ukuba benza icala leli bebathathu lanxa omunye wabo elokhu engakabotshwa.
Umantshi esezwile icala leli uqume ukuthi ababili laba bayepika inyanga ezingu-24 wasebesulela inyanga ezintathu kukhangelelwe ukuthi bangenzi icala elifanayo kuminyaka emihlanu ezayo kukanti ezinye ezintathu bazasesulelwa bangabhadala umamangala $1 751 ngamunye inyanga kaMbimbitho ingakaphel)i.
Online Reporter