admin
YiNtatheli kaMthunywa
IQEMBU leHighlanders selize lamthola umdlali elimfunayo uKasimero Chimbadzwa oweqembu leZRP eHarare, uMthunywa ukuyaveza lokhu.
UChimbadzwa lo kubikwa nguye ozathatha indawo kaKnox Mutizwa ozasuka kuBosso phakathi kwesizini esiya kuBidvest Wits eSouth Africa.
Ngeviki edluleyo kumangalise inengi labalandeli bakaMantengwane kubikwa ukuthi uChimbadzwa kasoke asayinwe ngoba iZRP FC ifuna i$3 000. Ekuqaleni ithimu le yabika ukuthi uChimbadzwa izamthengisa nge$1 500.
Umaqhuzu weHighlanders uNdumiso Gumede ngeviki eledluleyo ubikele uMthunywa ukuthi badaniswa yisenzo seqembu leZRP.
Kuliviki, uGumede uthe iZRP itshintshe ingqondo ngokuvumela ukuthi uChimbadzwa adlalele iHighlanders kulisizini.
“Izikhulu zeZRP zingenelile kudaba lwethu loKasimero njalo zithe umfana lo kumele aze kuHighlanders njengokuvumelana kwethu ekuqaleni,” kutsho uGumede.
“Ngokunjalo sesithumele i$500 eyisitshengiselo sokuthi ngempela iHighlanders izimisele ukudlalisa uKasimero kulisizini.
“Sikhangelele ukuthi uKasimero aze kuqembu. Iqembu leZRP kumele lithumele i-clearance letter ngokuphangisa.”
Online Reporter