Online Reporter
YiNtatheli kaMthunywa
INHLANGANISO yenguqu yakuleli, iZimbabwe Football Association (ZIFA), isiyethule amazwi enduduzo kulandela ukwedlula emhlabeni kwabakhokheli beqembu leHighlanders abathi umgcinisihlalo uKenneth Mhlophe, umsekeli wakhe uFiso Siziba lomgcinisikhwama uNkani Khoza.
Ukwedlula kwabo emhlabeni kutshiye ilizwe liphakathi kosizi olukhulu njengoba kwenzakale ngesikhathi iqembu linanza iminyaka engu-100 lasungulwa.
Kumbiko okhitshwe ngoLwesine, iZIFA ithe ukulahleka kwabathathu laba akusikulahlekelwa kweHighlanders kuphela kodwa yikulahlekelwa komdlalo webhola eZimbabwe.
“Lokhu yikulahlekelwa okukhulu kakhulu kuHighlanders Football Club, idolobho lakoBulawayo lemuli yebhola eZimbabwe.
Ukuzinikela kwabo, ubukhokheli babo kunye lendlela akade besebenza ngayo kuncedise kakhulu iqembu elikhulu elizweni,” kutsho ingxenye yalumbiko.
I-ZIFA ithe kuyadanisa ukuthi isehlakalo lesi senzeke ngesikhathi iHighlanders kumele ithakazelele iminyaka engu-100 yasungulwa.
“Esikhundleni sokuthokoza lokunanza imbali enhle yeqembu, imuli yeBosso isigxile ekukhaleni ngenxa yalesi sehlakalo esibuhlungu,” kutsho iZIFA.
Umongameli weZIFA uNqobile Magwizi ubuye wethula amazwi enduduzo kuzimuli ezilahlekelweyo kunye lemuli enkulu yeqembu leHighlanders.
“Sikhulekela ukuthi uNkulunkulu aduduze zonke imuli ezilahlekelweyo njalo abaphe ukuthula.”
