Inina lidlwengulelwa isikwelede seUS$3

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

Thokozile Mbedzi

ZILOKHU zinkemile izakhamizi zeBurombo eNguboyenja koBulawayo ngemva kokuba enye indoda idlwengule elinye inina ngenxa yesikwelede seUS$3 kuviki ephelileyo.

Umetheswacala uThomas Sibanda oleminyaka engu-27 weMzilikazi kubikwa waboleka inina leli, esigodle igama lalo ngenhloso yokulivikela, iUS$3 kwathi mhlaka 13 ebusuku wayathonisa imali yakhe wafica lingelayo waselidlwengula amahlandla amane.

Ekhuluma lentatheli kaMthunywa uCharity Ndebele uthe okwenziwe nguSibanda kuyesabeka.

“Njengabantu besifazane sesisesaba ukuba lezikwelede zabantu besilisa ngokwehlele omunye wethu.

“Mhlalokho kwakungela magetsi kungakho undoda lo wafica umama lo epheka phandle yena wayamlinda endlini. Wathi engena endlini wabuza uSibanda ukuthi ufunani ebusuku waphendula wathi ulande imali yakhe amboleka yona.

“Inina leli lamtshela ukuba kalikayitholi kodwa uSibanda kwahle kwamcunula wavala isivalo wadlwengula inina leli amahlandla amane waze wahamba ngama 5 ekuseni,” kulandisa uNkszn Ndebele.

Inina leli labikela omunye umakhelwane ngendaba le okwenza wamxwayisa ukuthi ayobikela amapholisa.

Isikhulumi samapholisa koBulawayo uInspector Abedinico Ncube ebuzwa ngodaba lolu uthe solufikile ehofisini yabo.

“Udaba lwelina elidlwenguliweyo solufikile ehofisini yethu njengamapholisa sixwayisa uzulu ukuba nxa elohlupho olufana lalolu kabikele abantu abakwaziyo ngokuphenyisisa ukuze bengahlangani lengozi ezinje,” kuphetha ulnsp Ncube.