admin
INSUKU zokudla ngoludala, lapho izangoma ezazikhangelwa njengabantukazana sezedlula.
Sokulezangoma ezifuna ukuba bucwazicwazi nxa zitshaya amathambo.
Esinye isangoma sesimanje njalo esazi ngezobuchwepheshe bakulezinsuku, nguKhanyisile Mnguni.
UGogo Khanyisile uyasleya njalo kalama-blesser.
“Ngiyasleya ngendlela, ngimuhle. Lokhu kungihugela abantu abanengi ukuthi bazodinga usizo lwami.
“Kangikukholwa ukuthi isangoma kumele sibe lengcekeza njalo sihlale sinuka izihlahla.
“Ungagqoka oqwa, uzibhodonge ubuso njalo ulungise ngitsho lenzipho, akulanto embi ngakho ngitsho.”
UGogo Khanyisile uleminyaka yokuzalwa engu-26, uzalwa eBethal esabelweni seMpumalanga, njalo uyenelisa ukusiza abantu ebulenjini, abe sebathumela umuthi.
Nxa etshaya amathambo ukwenzela endlini yakhe ebambe umakhalekhukhwini ngendlela eyenza lowo omtshayele ucingo abone nxa ewaphosa.
“Labo ababuya kimi bayangitshela inhlupho zabo. Ngibe sengibala ukuthi amathambo athini,” kutsho yena.
UGogo Khanyisile usiza abantu abasendaweni ezehlukeneyo ezibalisa eGoli, London, Cuba, Democratic Republic of Congo, US, Swaziland kanye leLesotho.
Uthe inengi labantu abadinga usizo lwabo baku-Instagram njalo bafaka imali ebhanga laku-eWallet.
“Ngiyaqhuba isiko lokubikela abakithi nxa ngingathola imali. Ngemva kwalokho sengilakho ukuthi ngibeke isikhathi eceleni sokuba ngimsize. Ngingavele ngiboniswe imithi okumele ngimuphe yona ngiyamthumela imithi yakhe. Nxa kulapha kuthatha insuku ezintathu kukanti labo abasemazweni kuthatha iviki.”
UGogo Khanyisile oseleminyaka emithathu eyisangoma uthi waqala ukusebenza ebulenjini kuqala ukuvinjwa abantu ezindlini, okungazange kuphambanise ibhizimusi yakhe lanxa engakhuthazi abantu ukuthi babuye kuye.
Uthe ulephupho lokuvula isitolo sebulenjini.
“Abantu bayenelisa ukuthenga loba yini ebulenjini, pho kuyini okwehlulayo ukuthi bathenge imithi ebulenjini,” kutsho yena.
Udadewabo uSinenhlanhla Sithebe uthe uKhanyisile waqala ukusebenzisa ubulembu kuqala i-lockdown.
Online Reporter