admin
MATOBO
KULEQEMBU labomakorokoza leMatobo eNkomazana Mine elihlasele elinye kwafa oyedwa kubangwa indawo yokuhlala.
UMethuseli Sibanda oleminyaka yokuzalwa engu-28 ufe ngemva kokuhlaselwa ngomakorokoza ngenduku, amahloka lamabhemba ngoMgqibelo kuviki ephelileyo kubangwa indawo.
Kubikwa umuyi ubekuqembu lalabo abahlaselwayo.
Kuzwakale ukuthi iqembu labomakorokoza laba lathi lifika lathi ababelapho basuke ngoba kabafuni kuphanjaniswa ekugebheni igolide labo.
Omunye umfakazi uMnumzana Bhekani Nhliziyo uthe empini le kwalimala omakorokoza abanengi kuqembu elahlaselwayo.
Kubikwa ukuthi omakorokoza laba bebona ukuthi sebebulele umuntu bachitheka abanye baya emizini yabo abanye baya emadolobheni.
Isikhulumi samapholisa esabelweni seMatabeleland South uInspector Loveness Mangena ebuzwa ngodaba lolu uthe kalukafiki ehofisini yakhe kodwa uzadingisisa ngalo.
Online Reporter