admin
Ethel Ncube
KULESISEBENZI sakwenye ibhawa eseMbembesi esitholakale sifile ebhawa le okucatshangelwa ukuba singabe sibulawelwe utshwala kunye le-R100.
Isiga lesi senzakakale ngempelaviki lapho uMnumzana Bulelani Mafohla atholakale esedlule emhlabeni ebhawa asebenza kuyo, okunakanelwa ukuba ngabantu abamklinyileyo ebusuku andubana bathathe imbodlela eyodwa yotshwala leR100.
Ekhuluma loMthunywa omunye wezakhamizi zakule indawo uMnumzana Bongani Dube uveze ukuba udaba lolu basamangele ngalo.
“Umuntu lo kukhanya ukhanywe ngabantu waze wafa kodwa isizatho sokuthi bakwenzeleni yiso esingacaciyo ngoba nanko imali bayitshiyile utshwala badobhe imbodlela eyodwa kuphela.
“Kuyadanisa lokhu okwenzakale kuMafohla abantu angithi nxa befuna imali bayakhuluma bazithathele imali batshiye umuntu ephilile kulokuchitha umphefumulo kanje,” kutsho uMnu Dube.
Intatheli ixhumane lenduna yakule indawo uDumisani Ndondo ovumileyo ukuba udaba olunjalo uluzwile.
“Umuntu lo uvuke efile njalo kukhanya bamkhamile bathatha imbodlela eyodwa yotshwala leR100 kuphela amapholisa asadingisisa ngaloludaba,” kuphetha induna uNdondo.
Online Reporter