admin
UMQEQETSHI weHighlands Park uGordon Igesund ukholelwa ukuthi iMamelodi Sundowns izosivikela kalula isicoco seligi kulisizini.
U-Igesund uncome iSundowns ngemuva kokutshaya iHighlands ngo-5-0 eLoftus Versfeld Stadium ngeSonto.
“Ngicabanga ukuthi leliqembu lisazoya kude, lizosinqoba kalula isicoco. Lilabadlali abasezingeni eliphezulu futhi kumele sikuvume lokho. Kumele singazikhohlisi.”
ISundowns okwamanje isalele emuva ngemidlalo ngenxa yomqhudelwano we-Caf Champions League abacine bewunqobile ngenyanga edluleyo.
Iqembu likaPitso Mosimane selidlale imidlalo emine lingehlulwa, kanti lilandela ngemiklomelo eyisikhombisa kuBidvest Wits esesiqongweni.
Kusenjalo, umgadli weMamelodi Sundowns, uPercy Tau, uthi umgqigqo wakhe wasemuva eqenjini elingompetha base-Africa, ube ngenxa yokuthi umqeqeshi uPitso Mosimane utshengise ukumethemba.
Umdlali oleminyaka engu-22 yokuzalwa uthole ithuba ngesikhathi leliqembu litholene phezulu leHighlands Park ngeSonto.
“Kubalulekile kimi njengomgadli ukutshaya amagoli, kodwa ngijabulile nxa ngisiza abafowethu batshaye amagoli.
“Uma besesimweni esingcono sokutshaya amagoli, ngijabulile.”
Uqhube wathi bajabulile ngendlela abathuthuka ngayo njengoba besadlala imidlalo abasilele emuva ngayo.
Kuyimanje amaBrazilians asengene endaweni yesi-8 kulogu ngemuva kwemidlalo eyisithupha kanti alandela emuva ngamaphuzu angu-7 kuBidvest Wits kanye leCape Town City FC, okungamaqembu azihola phambili ku-PSL.
Emdlalweni wayo olandelayo, iSundowns izobhekana le-Ajax Cape Town, ezidonsela ngodizili kulezi zinsuku njengoba isendaweni yesibili uma usuka emsileni. — Ubulembu.
Online Reporter