Online Reporter
Nkosilathi Sibanda
UHULUMENDE ubika ukuba uzaqakathekisa ukufundiswa kwe-Artificial Intelligence (AI), Coding leRobotics ezikolo ngenhloso yokujulisa ulwazi oluzancedisa ekuthuthukiseni umnotho welizwe.
Lokhu kuvezwe nguMphathintambo we-Information, Communication Technologies, Postal and Courier Services uTatenda Mavetera.
Uthe ukufundiswa kwe-AI, Coding leRobotics kumele kuqale ezikolo zamabanga aphansi ngoba izifundo lezi sezidingeka kakhulu ekulungiseleleni abantwana iFourth Industrial Revolution
UMphathintambo uMavetera uthe ukwethulwa kwezifundo lezi kuzaxazulula inhlupho kungatsha ezitshiyeneyo ezigoqela ezokulima, ezemidlalo, ezabomanjinela kunye lezempilakahle.
“Ngaphansi kweNational Artificial Intelligence Strategy (2026–2030), i-One Learner, One Device Initiative kanye lePresidential Internet Scheme, uHulumende uqhubeka esengeza amathuba okuthi abafundi bathole izifundo zakulezinsuku njalo babelesandla ekukhuliseni umnotho wezobulenjini,” kutsho uMphathintambo uMavetera kumbiko wakhe.
Uthe ukufundisa abantwana ngemitshina yakulezinsuku kuqakathekile ekufezeni iVision 2030 lokwakha umnotho wezebulenjini oncintisana lamanye amazwe.
UMphathintambo uphinde wabika ukuthi ukuvulwa kwamathuba emisebenzi ebulenjini kumele kuhambisane lokuvikelwa kwabantwana, kusetshenziswa iNational Child Online Protection Policy.
