admin
IVALELWE esitokisini indoda ebotshelwe ukumumuzisa omunye induku yayo iyikhombe ngesibhamu.
Ngokutsho kwabophiko lwabaqaphi abazimeleyo, iReaction Unit SA (Rusa) indoda le ibimile imisa izimota e-Ottawa, eVerulam.
UMnumzana Prem Barlam okhulumela iRusa, uthe ngesikhathi indoda leyo isamile kume imota wagada elethemba lokuthi izamusa lapho aya khona.
Endleleni umtshayeli uqale ukuphulula lindoda etshengisa ukuthi uyayihalela.
Indoda le ilandise ngokuthi ngesikhathi ephululwa uzamile ukuphikisana lezenzo zokuphululwa.
Umtshayeli kuthiwa utshaye imota yaya endaweni esegangeni lapho afike wakhipha khona isibhamu wamkhomba ngaso emethusela ngokuthi uzamchitha ubuchopho uma engenzi into ayitshoyo. Indawo abebekuyo ibizwa ngeTrenance Park lapho acine emunya khona induku yalindoda ngokwesaba ukudutshulwa.
Emva kwalokho umsolwa utshiye umamangala watshaya wachitha ngemota.
Umamangala uvule icala emapholiseni kwasekuqalwa kuthungathwa lindoda yaze yatholakala.
Umamangala ubonge amapholisa eVerulam asebenze nzima ukuthi abophe umetheswacala.
Okhulumela amapholisa KwaZulu-Natal uCaptain Nqobile Gwala, ukuqinisekisile ukubotshwa kwendoda eleminyaka engu-41 ngecala lokudlwengula. — Ubulembu.
Online Reporter