admin
UHULUMENDE usedlulisele phambili ukuvulwa kwezikolo kubangelwa yikukhuphuka kwenani labantu abalegcikwane leCovid-19 kanye langenxa yesongo lesiphepho sikaChalane okukhangelelwe ukuthi sidlule kuleli kunsuku ezilandelayo.
Izikolo bekumele zivulwe mhlaka 4 Zibandlela 2021.
Kusitatimende esikhitshwe ngabogatsha lwezemfundo yaphansi leyaphezulu, kuvele ukuba imihloliso ye-Ordinary le-Advanced Level ebimiswe ngenxa yekhefu, izaqala njalo mhlaka 5 Zibandlela ize iyophethwa mhlaka 5 Nhlolanja njengalokhu okwakuhleliwe.
UHulumende ubike ukuba usuku lokuvulwa kwezikolo luzamenyezelwa ngokuya kwesikhathi.
Unobhala wezemfundo yaphansi leyaphezulu uNkosikazi Tumisang Thabela ubike ukuba abazali, ababalisi kanye labafundi kumele baqaphele njalo bazivikele kumkhuhlane weCovid-19 ngokugqoka izaheke, ukuziqhelelanisa lomphakathi kanye lokugeza izandla ngazo zonke izikhathi.
Uphethe ngokuthi okwamanje abaphathi bezikolo kumele baphatheke ngamalungiselelo okuvulwa kwezikolo.
Online Reporter