admin
YiNtatheli kaMthunywa
IMIDLALO yenguqu kuligi yeCastle Lager ingene kuviki lesibili ngempelaviki.
Kuvele ukuba inengi lamaqembu lisadinga ukuphaphama nanko phela kuhlohlwe amabhola amalutshwane. Iqembu leDynamos lehlulwe okokuqala ngemva kokunqotshwa 1-0 yiTriangle United ngeSonto.
Ukunqotshwa lokhu kuza ngemva kweviki iDynamos isusiwe kunkezo yeChibuku Super Cup. AmaGlamour Boys aqala umkhankaso weligi ngokunqoba i-Yadah kumdlalo wakuqala.
Enkundleni yeBarbourfields iqembu leHighlanders lithole imiklomelo yalo yakuqala liqeda umdlalo walo leNgezi Platinum Stars kungutshiki lobhanqa.
IBosso yehlulwa kumdlalo wayo wokuqala yiBlack Rhinos, impumela yangeSonto iyibeke kunombolo yesi-14 ku-log.
Kusenjalo, uLlyod Chitembwe uqale ihlandla lakhe lesithathu kuCAPS United edlala ngokulingana leqembu lakhe lakudala iHarare City.
Umqeqetshi lo ubuyele kuGreen Machine ekuqaleni kwenyanga ethatha indawo kaDarlington Dodo, oxotshwe kulandela ukudliwa kweqembu kuChibuku Super Cup.
Impumela:
Highlanders 0-0 Ngezi Platinum Stars
Triangle United 1-0 Dynamos
Caps United 0-0 Harare City
Online Reporter