admin
YiNtatheli kaMthunywa
UKUHLOHLA amabhola kumgadli weLamontville Golden Arrows uKnox Mutizwa akukapheli, nanko ubike ukuba usezimisele ukuthi abonwe ngumqeqetshi wama-Warriors uZdrako Lugarusic.
UMutizwa uthe kafuni ukusala kuqembu lamaWarriors elizakuyancintisa kunkezo yeAfrica Cup of Nations ezweni le-Cameroon kusukela mhlaka 9 kuZibandlela kusiya k-6Nhlolanja ngomnyaka ozayo.
Ama-Warriors aphoselwe kuqula lesibili lapho okule-Senegal, Guinea leMalawi.
Ekhuluma loMthunywa ngoLwesibili ese-South Africa, uMutizwa, ophinda oseke wabangumdlali wamaWarriors uthe ukudlala kwelinye ilizwe sekumakhele udumo njalo usethole ukuphakamisa ithalenta lakhe, okuveza ukuthi akumelanga asale kuqula labadlali ku-2022 Africa Cup of Nations.
“Ngiyafuna ukuyadlala enkundleni zeAfcon. Umqeqetshii uzangibona. Ngizizwa ngikufomu sibili kulisizini entsha. Ukunqoba kwamaWarriors, ephumelela ukuyadlala kuAfcon kungenze ngaba lokuzethemba ukuba angeke ngisale ukuyadlalela isizwe sakithi,” kutsho uMutizwa.
Umgadli lo, owasuka kuHighlanders esiyadinga amadlelo eSouth Africa uthe isifiso sakhe kulisizini yikuhlohla amabhola amanengi.
“Ibhola elingena emanethini lidle ubhedu lingahlohlwa loba ngubani enkundleni. Ngifuna ukuhlohla amabhola amanengi kulisizini.”
Ebuzwa ngebhola elihle alihlohlayo lokhe wafika eSouth Afria, uMutizwa uthe ukhumbula lelo alikhaba bedlala leMaritzburg United. Kulumdlalo uMutizwa wahlohla i-scissors kick ayibasela emambuleni kuqala isizini le.
“Ngilokuzethemba njalo ngibonga uNkulunkulu ekuthini nxa ngisenza kuhle kanje, ngizakhela imbali ezanginceda nxa kukhethwa abadlali beZimbabwe abazadlala kuAfcon,” kutsho lumdlali.
Uluhlu lwamaqula
ku-Afcon ka2022
Group A: Cameroon, Burkina Faso, Ethopia, CapeVerde
Group B: Senegal,
Zimbabwe, Guinea, Malawi
Group C: Morocco, Ghana, Comoros, Gabon
Group D: Nigeria, Egypt, Sudan, Guinea-Bissau
Group E: Algeria, Sierra-Leone, Equitorial Guinea, Cote d’Ivorie
Group F: Tunisia, Mali, Mauritania, Gambia
Online Reporter