admin
Amangqina
INKOMO ilezitho ezinengi eziphekwa ngendlela ezehlukeneyo, zidliwe ngokwehlukana. Zonke ziyizitshebo sesitshwala. Kuyadingakala ukuba kwazi ukuphekwa kwenyama ezivela kuzitho ezehlukeneyo wena ophekela imuli yonke.
Inyama yenkomo idliwa kuze kudliwe ngitsho lenyawo — ngitsho ‘‘amangqina’’.’
Nanzelela ukuthi akudingeki ukuba ngohlabileyo ukuze ubelamangqinga, ungawathenga ebhutsha.
Okudingakalayo yilwazi lokuwapheka kuphela.
Okudingakalayo
– Amangqina alingana abemuli yakho athengiweyo
– Ibhodo kumbe umphika omkhulu
– Isawudo
– Ipepper
– Amanzi aqandayo
– Umlilo
– Ihanyanisi
– Ingqamu
– Amafutha (cooking oil) nxa uthanda
Ukupheka
– Qala ngokubona ukuba amangqina la asusiwe uboya bonke.
– Bona njalo ukuba ahlahlelwe kuhle isibili.
– Wagezise ngamanzi aqandayo ususe yonke ingcekeza.
– Ayabe esesikiwe amaqatha alingeneyo abazakudla. – – – Wafake embizeni uthele amanzi aqandayo.
– Beka imbiza eziko uthele amafutha alingeneyo.
– Nxa sekuxhwatha, thela isawudo.
– Yekela eziko okwamahola angu-4 kumbe adlula lapho kusiya ngobudala benkomo yakhona.
– Khathesi usungafaka ipepper loba ibilebile ngokuthanda kwakho.
– Faka ihanyanisi esikiweyo yaba yiziqana ngokuthanda.
– Yekela njalo kuxhwathe.
Kuqakathekile ukuthi uwezwe emlonyeni ukuthi avuthiwe yini ungakawakhuphi eziko.
– Amangqina awadleki nxa engavuthwanga.
– Nxa evuthiwe alokunembuluka okukhona, utshiye umhluzi omlutshwana.
Ukudliwa
Yephula imbiza eziko ungawadla lesitshwala, amagwili, amatshakada, loba irayisi. Dlana ngesandla ulumele udonsadonsa.
Ngokunye amangqina enza umehluko kuzitshebo zemuli yonke ukuba bangatshebi ngokufananayo insuku zonke
Nanzelela: Abanye bathi ukunembuluka kwawo kuyasiza ukuhlanganisa amathambo axegayo emzimbeni yethu.
Ngokunjalo sihlobo sami amnandi amangqina ziphekele lawe uzikholisele. Awusoke waphinda uwayekele empilweni yakho. ‘‘Zizwele ungezwa ngelika BATHI.”
Online Reporter