admin
YiNtatheli kaMthunywa
UGATSHA lwezempilakahle kuhulumende selubike ukuba kusukela ngeviki ezayo, uhlelo lokuhlatshwa kwejekiseni yokwenqabela iCovid-19 luzavulwa lasemakolitshini lakumanyuvesithi wonke.
UMsekeli kamphathintambo wezempilakahle uDokotela John Mangwiro ukhulume lokhu ngesikhathi esamukela imithi efika i-2 miliyoni evela kwele-China ngoLwesibili.
UDkt Mangwiro ubelomphathi wesikhwama sesizwe uSikhwicamfundo uMthuli Ncube.
Kubikwa imithi eyi-500 000, eyafika ngeviki edluleyo isiphelile ngakho sekucaca ukuthi ngokuya kwesikhathi banengi abantu abazafuna ukuhlatshwa.
UHulumende uhlose ukuthi kuhlatshwe abantu abayisilinganiso samatshumi ayisithupha ekhulwini (60 percent) ukuze isizwe sivikeleke ekumemethekeni kwegcikwane.
Isikhulumi sikaHulumende uNick Mangwana, ngoLwesihlanu ekuseni uthe isizwe sizakwamukela eyinye imithi eyi- 1, 5 miliyoni leminye efika 2 miliyoni kusiyaphela inyanga kaNtulikazi
Online Reporter