Ukhulu ubamba umzukulu iganyavu

Narrating her story, the woman said the officer had given her a dollar to buy food while she was sitting in the charge office. “When I denied his sexual advances, the police officer wrestled with me arguing that I had to return his one dollar.He took advantage of the fact that I had disclosed that I had no other money for transport to return to Madziva.”

WAYENGACABANGELI ukuthi angehlelwa ngamashwa okubanjwelwa indodakazi iganyavu njalo ibanjwa ngukhulu wayo.

Kodwa uyise wabanjwa esekameleweni lomzukulu wakhe.

Ibhulugwe lakhe latholakala liphansi konke lempahla yangaphansi yomntwana.

Lamuhla izakhamizi ezithukutheleyo zeSoshanguve ngasenyakatho yeTshwane eSouth Africa zidla amahabula zifuna ukwenza ixhegu leli into yamehlo.

Umama womntwana uthi lokhu ukufumene ngeviki ephelileyo ngoLwesibili wahle wabiza amapholisa ubaba omzalayo wabotshwa.

“Ngihlulukelwe ngalokhu okwenzakalayo. Okwenziwa ngubaba kubi kakhulu njalo ngeke ngafa ngamxolela,” utsho njalo.

Uthe impilo yendodakazi yakhe eleminyaka yokuzalwa engu-9 ihle yaphazamiseka.

“Ngizwa sangathi ngehlulekile ukuvikela umntanami njengomzali,” kutsho umama walingane.

Izakhamizi zithi umama wengane uzama ukuvikela uyise. Zithi ngesikhathi kuvela okwakwenzakele abomdeni bazalisa ukungena ekhaya labo zona zazifuna ukumbuza ukuthi ukwenzeleni.

Esinye isakhamuzi uMatilda Mothoa sithe abomdeni bekukhanya angani bafuna ukufihla icala leli.

“Ngeke sihlale lesigilamkhuba esinje elokitshini, nxa abomdeni bezama ukufihla icala leli labo sizabaxotsha kulindawo,” kutsho uMothoa.

Esinye njalo isakhamuzi uKoketso Tau uthe: “Angabamba abantwabethu labo iganyavu sizakwenzani, mhlawumbe sowakwenza lokhu.

Yindoda bani ebamba umzukulu wayo iganyavu,” kutsho uTau.

Umsolwa wabotshwa njalo lokhe esemapholiseni.

Indodakazi kamsolwa ikuqinisekisile ukuthi uyise usesitokisini kodwa ngesikhathi kusiyadindwa iphephandaba amapholisa abengakaphenduli imibuzo yephephandaba. —Daily Sun