admin
YiNtatheli kaMthunywa
KUPHINDE kwedlula abantu abangu-38 ngoLwesibili kuyonale iviki ngenxa yobhubhane lweCovid-19 kukanti abangu-2 845 batholakale betheleleke ngegcikwane leli.
Bonke abatholakale belomkhuhlane lo kabazange bake baphume kuleli.
Umbiko wogatsha lwezeMpilakahle kunye lokondliwa kuhle kwabantwana wamhlaka 13 Ntulikazi uveze ukuba kumalanga ayisikhombisa elandelana inani labantu abatheleleka ngegcikwane leli ngosuku seliqanse lisuka ku-2 058 laya ku-2 1 86.
Isabelo esibe labantu abanengi abafileyo izolo ngeseNkabazwe lapho okufe khona abantu abangu-9, silandelwa yiMatabeleland South leMashonaland Central lapho okufe abantu abayisikhombisa kusabelo ngasinye. KoBulawayo kufe abantu abayisithupha, eMashonaland West (4), eHarare kunye leMashonaland East kufe ababili kusabelo ngasinye.
Isabelo seMatabeleland North kunye leMasvingo yikho lapho okungalahlekanga bantu ngenxa yobhubhane lolu izolo.
Isitatimende lesi siphinde saveza ukuba koBulawayo kutholakale abantu abangu-119 belegcikwane leli, kukanti isabelo seMashonaland West yiso esibe labantu abanengi abatholakale belegcikwane leli, (496) kuthi eHarare kutholakale abangu-468 belalo.
Online Reporter