adminYiNtatheli kaMthunywa
KULOMFUNDISI weKwekwe ogamule wabulala umkakhe kanye lendodakazi yakhe andubana azibulale ngemva kokuxabana kubangwa ukungathembeki emtshadweni.
Umfundisi lo uLazarus Dube oleminyaka engu-44 uhlahlele kabuhlungu umkakhe uLucy ngehloka kanye lendodakazi yakhe uMary (18) ngoMvulo kuyonale iviki ngehola lika9 ekuseni.
Umfundisi lo wenze icala leli esendlini yakhe .
Kuzwakale ukuba uDube uqale wethesa umkakhe kanye lendodakazi yakhe icala lokuba ngonondindwa andubana abahlahlele.
Kubikwa ngemva kokubulala ababili laba umetheswacala watshayela umalumakhe uNickels Sibanda ucingo embikela ukuthi sebulele umkakhe lendodakazi yakhe.
USibanda uveze ukuthi umzukulu wakhe obengumfundisi welinye ibandla lesiPositoli eMbizo 18 ubulele ababili laba ngoba bala ukuphenduka esonweni sabo sobufebe.
Wengezelele wathi wabikela uDube ukuthi ayebikela amapholisa ngecala lakhe kodwa wahle wamqumela ucingo.
USibanda uveze ukuthi ngemva kwalokho wayabikela amapholisa eMbembesi ayiwo abikela amapholisa eKwekwe athola izidumbu zalaba abathathu.
Isikhulumi samapholisa esabelweni seNkabazwe uInspector Joel Goko uthe bamukele umbiko wokufa kwabantu abathathu ovela eKwekwe. — Chronicle
Online Reporter