adminJohannesburg — Intombazana eleminyaka engu-12 ubudala kanye lomfowabo oleminyaka engu-16 akade bebehlala endlini ephandle kwendlu yangakibo ngenxa yokugcwala kwayo.
Bakhule ndawonye, bechama ebhakedeni elilodwa beshintshana nangokulichitha njalo ekuseni.
Kodwa ukuzwana kakhulu kwalezi zelamani sekubelempumela etshwaqisayo.
Izakhamizi zaKwaMashu, zidinwe kabi ngesikhathi zisizwa ngeSonto ukuthi intombazanyana, esafunda e-primary school, kuthiwa ikhuleliswe ngumfowabo.
Umthombo osondelene lalolu daba, ongeke uchazwe igama lawo, utshele iDaily Sun ukuthi ubabakazi wentombazana usandakuthola ukuthi ingane ile-morning sickness.
“Uyasola ukuthi umntakamnewabo kungenzeka abe ezithwele,” kutsho umfakazi lo.
“Ngesikhathi embuza untombazanyana lo wachaza ukuthi bebehlangana emacansini lomnewabo kusukela ekuqaleni kwawonalo umnyaka. Esezwe lokho wamusa ekilinika lapho okwavela ngempela ukuthi uzithwele.”
Imuli le yaxoxisa ngendaba le ngaphambi kokuba ibikelwe amapholisa.
Umamangala uchaze ukuthi usehlangane emacansini lometheswacala okwedlula kahlanu. Uthe umnewabo ubenyenya angene engubeni zakhe ebusuku.
Elinye ipholisa elingathandanga ukuqanjwa ngebizo ngoba lingavunyelwa ukukhuluma labezindaba lichaze ukuthi umetheswacala uzinikele emapholiseni ngemva kokuvulwa kwecala.
Isikhulumi samapholisa eKZN uMajor Thulani Zwane uvumile ukuthi kuvulwe icala lokudlwengula enkambeni yakoMashu njalo kusachwayisiswa. Uthe akukho osebotshiwe khathesi. — Ubulembu
Online Reporter