adminNXA ungumuntu wesifazane ukhetha ukusebenza emsebenzini owaziwa njengowabesilisa, kuhlezi kuzoba khona abasola ukuthi ungabe ulalo na ulwazi lwawo.
UDiale (35) usanda kunikezwa isikhundla sokuba ngumqeqetshi weqembu lePlatinum Stars elidlala kuMultichoice Diski Challenge (MDC), okunguyena yedwa owesifazane kulelizinga.
Intokazi le edabuka eRasimone, engaphansi kwesizwe saBafokeng, eNorth West, ibisebhentshini okokuqala ngesikhathi bedlala leChippa United ngempelasonto.
“Kulisizini lathi sizotshisa umbango. Kodwa okuzongenza ngibone ukuthi ngiwenze ngempumelelo umsebenzi wami, lokuthi ekucineni kube labadlali loba ababili abazokhutshulelwa eqenjini elikhulu. Lokho kuzangijabulisa kakhulu,” kutsho uDiale.
Ulezithupha zokuqeqetsha inguqu eze-Caf A Licence loLevel 2 weSouth African Football Association. Ngenxa yokulangazelela ukuba lesicoco ngaphandle kokudlala ibhola, ulaso njalo eseSport Management.
“Ngajoyina iPlatinum Stars ngizosebenzela iRoyal Bafokeng Sports njengomphathi wasehofisini. Ngelinye ilanga uCavin wathi uyezwa kuthiwa ngiyalazi ibhola. Wabe esenginika ithuba ngaqeqetsha abafana, wachazeka ngokubona lokhu. Ngaqala kanjalo ukuqeqetsha.
“Umqeqetshi lo ungomunye wabantu abalomoya omuhle esengike ngahlangana labo. Uzithobile futhi akayehlukanisi abantu ngokobulili babo,” kutsho uDiale.
Okumenza awuthande kakhulu umsebenzi wakhe yikuthi labadlali bayamhlonipha.
“Bayangihlonipha. Inhlonipho awuyifuni ngenkani kodwa uyayisebenzela. Okwami yikuthi ngizilungiselele ukuze abadlali bazi ukuthi ngiyayazi into engiyenzayo lengikhuluma ngayo.”
UDiale akathandanga ukugxila empilweni yakhe yesithe ngaphandle kokuthi umndeni wakhe uyamsekela.
“Bajabule kakhulu ngoba bayabona ukuthi ukubekezela kwami sekube lezithelo. Sengikwazi ukuphila ngokwenza into engiyithandayo,” kutsho yena.
Ulidlalile ibhola esakhula kodwa wabuye wakhetha ukugxila ezifundweni zakhe. Eminyakeni emihlanu ezayo ufisa ukuzibona esengumqeqetshi eqenjini elikhulu.
“Ngemuva kwalokho ngiyafisa ukuba ngumanenja wabadlali, okuzakutsho ukuthi ngiyeke ukuqeqetsha ngoba kuzotshayisana. Into engingayigcizelela yikuthi abadlali kumele baye esikolweni,” kutsho uDiale. — Ubulembu
Online Reporter