admin
KULENINA leSamut Prakan, enkabazwe yeThailand eliphose laquma ulimi lomntanalo ngenxa yokuthi useleminyaka emihlanu egagasa nxa ekhuluma.
Lokhu kuvele ngemva kokuthi ebonakale kumabonakude etshaya umntwana ngendlela ebuhlungu ngomthanyelo njalo emdonsa inwele.
Kubikwa uqede lapho wamdonsa ngentamo esithi kungani engakhulumi njengabanye abantwana.
Umakhelwane wezwa ubuhlungu wathatha ividiyo wayabikela amapholisa.
Inina leli lithokale lilecala lokuhlukuluza lavalelwa ukuze lingaphambanisi abomthetho ngesikhathi bechwayisisa ngaloludaba.
Obona ngezekondliwa kwabantwana uPyeena Hongsakula uthe unina womntwana umtshele ukuthi wayezondile ngoba umntanakhe engakhulumi njengabanye osowabo.
Uchaze ukuthi amawele akhe akhuliswa nguninazala kwesinye isigaba esingumakhelwane kodwa umkakhe wabuya labo ukuzohlala labo enyangeni ezingu-8 ezedluleyo.
Uyise womntwana uthe uzababisela bayehlala lonina njalo. — Ubulembu
Online Reporter