admin
Nkosilathi Sibanda
UTEENAGE Hadebe uzathi ukukhululeka kancane nanko iqembu lakhe leMalatyspor selizadlala futhi kuligi yeSuper Ligi kweleTurkey.
Lokhu kwenzakale ngesikhathi iMalatyspor idliwe kabuhlungu yaze yagaxwa izembe isikhangelele iphume kuligi ephezulu.
UHadebe ubesezibona esedlalela kuligi ephansi ikanti njalo bekungelaqiniso lokuthi ubezayimela imidlalo yebanga eliphansi kuleli lizwe.
Ukusinda lweqembu lakhe kuze ngemva kokuba inhlanganiso ye-Union of Turkish Footballers licele ukuthi kungabi leqembu elixotshwayo.
Kuthe kuphela imidlalo yesizini ngeviki eledluleyo, umongameli weTurkish Football Federation uNihat Ozdemir uvumele ukuthi wonke amaqembu adlele kulisini abuyele.
Iligi le ilamathimu angu-24.
Ekhuluma esebulenjini ngoLwesithathu, uHadebe uthe uzizwa ekhululekile.
“ Kuhle okwenziwe ngbaphathi. Isizini le ibingekho nhle kuqembu lethu.”
Umdlali lo ubalelwa kulabo abadlala ngobunono obukhulu kulisizini njalo ubekhangelwe langamanye amaqembu aphezulu.
Online Reporter