admin
Wayne Ncube
KULENDODA yeLusulu eBinga evele phambi komthethwandaba ibhekane lamacala okuthumba ukudlwengula kanye lokubulala.
UDenny Mumpande oleminyaka engu-38 yokuzalwa ubanjwe esebaleka elubhekise phetsheya komngcele weZambia mhlaka 8 Mfumu lonyaka.
UMnumzana Quiet Mpofu ongumtshutshisi wecala leli ubike phambi kwenkundla ukuba mhlaka 2 Mfumfu ngehola lesihlanu ntambama, uMumpande wahlasela umuyi kane (4) ngehloka evela kukha amanzi. Umuyi kubikwa wayehamba loMnumzana Believe Siamupa esiqintini seNakaluba, eLusulu.
“Umsolwa walanda umuyi eyisavunguzane waxotsha uMnu Siamupa ukuba akaqonde ekhaya ngoba okulandelayo akulani laye, uthe eqala ekuhlasela umuyi ngehloka, umsolwa wabaleka waqonda egangeni ebona umphakathi uqonde lapho akhona,” kulandisa uMpofu.
UMupande uvele ulamacala aziwayo enkambeni yeLusulu agoqela ukuthumba lokudlwengula umuyi njalo ngalesisikhathi wayephume ngebheyili ekhangelelwe ukuyakuma emthethwandaba kuyonale inyanga.
Umsolwa uncitshwe ithuba lokuthi icala lakhe lithethwe esuka ngekhaya ngoba esatshelwa ukuba engabaleka njalo ulakho ukuphambanisa ubufakazi nanko phela lesikhali asisebenzisayo asibonakali.
Umantshi uthe okunye okumenza anganiki umsolwa ibheyili yikuba abantu besigabeni bathi bayamesaba njalo engakabotshwa wayesethusela imuli kamuyi ethi layo uzayiqeda ngokuyibulala.
Online Reporter