admin
YiNtatheli kaMthunywa
UMGCISIHLALO weqembu leHighlanders uJohnfat Sibanda usephange wazehlisa wabika ukuba uyaxolisa ngokwenzakala eqenjini lakhe.
Umkhokheli lo ongene kuHighlanders ngenyanga kaMbimbitho uficane lembila zithutha iqembu lingelasekelo lwemali.
Abadlali sebekhalale umsebenzi okudale ukuthi izikhulu zeqembu zicele uxolo kubomasitanda bezindlu lapho okubhaxiswe khona abadlali.
EzikaMagebhula zithwele nzima ukubhadala iholo labadlali ngenxa yokuswela usekelo.
NgoLwesithathu emini, ngemva kokuhlutshwa zintatheli labalandeli uSibanda uthumele umbiko esithi uyaxolisa.
“Ngithemba lumbiko uzamukeleka kuhle kubalandeli. Ngiyaxolisa kubo bonke ukuthi ngathembisa okungayisikho,” nguSibanda lo.
Online Reporter