Uzapika iminyaka engu-5 owatshisa inina ngenxa yesitshwala

YiNtatheli kaMthunywa

Kulendoda yeMazowe egwetshelwe ukuyapika iminyaka emihlanu ejele kulandela ukutholakala ilecala lokuzama ukubulala elinye inina kubangwa isitshwala.
Umsolwa uKudakwashe Nyeverai oleminyaka engu-32 yokuzalwa weJumbo Mine umiswe emthethwandaba esetheswa icala lokuzama ukubulala.

Kubikwa mhlaka 27 Mbimbitho ngehola lika 11 ekuseni, umamangala ohlala esiqintini seChitungwiza esigabeni seChiweshe wayethengisa isitshwala umsolwa wabhadala iUS$1 yomganu wesitshwala wawuphiwa kodwa wabuye wathi usefuna esinye umamangala wathi aqale abhadale kanti wayesezithezele olulenkume ngoba umsolwa wahle wavuka ubhova.
Ngokuthukuthela unsolwa wathatha iphethulo eyayisesigubhini se-2 litres wathela umamangala ekhanda lebusweni epheka emlilweni.

Kubikwa umamangala waqala ukutsha walimala kakhulu ekhanda lebusweni.
Wahanjiswa esibhedlela ukuyakwelatshwa.