admin
Thokozile Mbedzi
KUBOTSHWE amasela amane ngemva kokuba bekhuthuze enye indoda kuyonale iviki. Kubikwa uLucky Dube oleminyaka engu-23 ohlala eNjube, uBrendon Marshall Mpofu oleminyaka engu-21 ohlala ePumula South, uBrian Mayibongwe Sibanda olemimyaka engu-18 loBrian Nkomo oleminyaka engu-17 oweFilabusi bahlasela enye indoda eyayizihambela eduze leRio turn.
Kubikwa abane laba bafika bambuza ukuthi eSizinda leCowdray Park kungaphi yena wabalayela kanti sezithezele olulenkume ngoba bahle bamvimba befuna ukumkhuthuza loba wazama ukubaleka kodwa bamgijimisa bambamba. Ekhuluma lentatheli kaMthunywa uMnumzana Stanley Moyo uthe wathi ebona abafana laba waye bona angathi badinga usizo kanti hatshi.
“Mina ngabona abafana laba bengathi badinga usizo ngabakhombela ukuthi eCowdray Park leSizinda kungaphi ngithe ngiqeda lapho bathi sebefuna imali kunye lamafoni ngapha bengikhombele ngengqamu,” kutsho uMnu Moyo. UMnu Moyo kubikwa bamthathela imali, umakhalekhukhwini kunye lesikhwama. Isikhulumi samapholisa koBulawayo uInspector Abedinico Ncube ebuzwa ngodaba lolu uthe solufikile ehofisini yabo njalo abasolwa bahle babotshwa.
Online Reporter